Тұрғын үй инспекциясы бөлімі Екібастұз қаласының әлеуметтік инфрақұрылым объектілерінде Қазақстан Республикасы Индустрия және инфрақұрылымдық даму министрінің 2020 жылғы 24 сәуірдегі №229 бұйрығымен бекітілген ұсыну қағидаларына (бұдан әрі – қағидалар) сәйкес «Қауіпті өндірістік объектілерді және қауіпті техникалық құрылғыларды есепке қою және есептен шығару» мемлекеттік қызметін ұсынуға уәкілетті.
Ережеде жергілікті атқарушы органға есепке қоюды қауіпті техникалық құрылғылардың иелері — жеке және заңды тұлғалар орындауы тиіс. Мемлекеттік қызметті алу үшін өтініш берушілер қауіпті техникалық құрылғының паспортын қоса бере отырып, «Е лицензиялау» порталында белгіленген өтініш түрін сканерленген түрде толтырады.
Қазақстан Республикасының өнеркәсіптік қауіпсіздік қағидаларына сәйкес қауіпті техникалық құрылғының паспортына қауіпті техникалық құрылғының иесі, орналасқан жері, жарамдыжай-күйі мен пайдалануы үшін жауапты адамдар туралы өзекті мәліметтер енгізілуге тиіс екендігіне назар аударамыз, техникалық куәландыру актілері паспортқа міндетті қосымша болып табылады.
Тұрғын үй инспекциясы бөлімі өтінімді келіп түскен күннен бастап 3 жұмыс күні ішінде есепке қоюға қарайды, автоматтандырылған мемлекеттік қызмет, өтініш беруші «Е лицензиялау» порталында жеке кабинет арқылы мемлекеттік қызмет көрсету туралы нәтиже алады.
Егер қауіпті техникалық құрылғы паспорт деректеріне сәйкес нормативтік қызмет мерзімін аяқтаса, бірақ бұл ретте пайдалану жалғасатын болса, иесі нақты жай-күйін белгілеу және қауіпсіз пайдаланудың ықтимал мерзімін ұзарту мақсатында өнеркәсіптік сараптама жүргізу шараларын қабылдауы тиіс. «Ескірген» қауіпті техникалық құрылғылар қызмет мерзімін ұзарту туралы тиісті сараптамалық қорытынды болған жағдайда ғана тұрғын үй инспекциясына есепке қойылуы мүмкін.
Ережеге сәйкес, 2025 жылғы наурыз айындағы жағдай бойынша жергілікті атқарушы органға 235 қауіпті техникалық құрылғы (жолаушылар және жүклифттері, эскалаторлар, сауда орталықтарындағы, Екібастұз қаласының көппәтерлі тұрғын үйлеріндегі жылыту, су жылыту қазандықтары, сондай-ақ, Екібастұз өңірінің елді мекендерінің білім беру объектілеріндегі білім беру мекемелері) есепке қойылды.
Тұрғын үй инспекциясы бөлімі әлеуметтік инфрақұрылым объектілеріне көппәтерлі тұрғын үйлер, білім беру, денсаулық сақтау, мәдениет мекемелері, елді мекендердің шекаралары шегіндегі өзге де ғимараттар мен инфрақұрылымдар жататынын хабарлайды. Осы мекемелердің иелері жергілікті атқарушы органға қолда бар қауіпті техникалық құрылғыларды есепке қою шараларын қабылдауы қажет.
Мемлекеттік қызметті алуға қатысты барлық мәселелерімен «Екібастұз қаласы әкімдігінің тұрғын үй инспекциясы бөлімі» ММ әкімшілік-құқықтық секторына 34-71-19, 34-71-15 нөмірі бойынша хабарласуды ұсынамыз.
«Екібастұз қаласы әкімдігінің тұрғын үй инспекциясы бөлімі» ММ
